ជនជាតិចិនជាច្រើនតែងនិយមបិទក្រដាសក្រហមមួយគូនៅមុខផ្ទះ ជាពិសេសពេលថ្ងៃបុណ្យចូលឆ្នាំ។ តាម
ទម្លាប់ប្រពៃណីជនជាតិចិន
គឺដើម្បីបណ្ដេញឧបទ្រពចង្រៃ ស្វាគមន៍ឆ្នាំថ្មីនាំសិរីសួស្ដី
និងសំណាងល្អចូល
មកក្នុងផ្ទះ។
យោងតាមគេហទំព័រ របស់ចិន Chinahighlights ក្រដាសបិទផ្ទះពេលចូលឆ្នាំថ្មីប្រពៃណីចិន
តាមជំនឿរបស់ជនជាតិចិន គឺមានប្រវត្តិតាមដំណាលរឿងព្រេងមួយ។
រយៈកាល ១ពាន់ឆ្នាំកន្លងទៅ
មានដើមផ្លែប៉ែសមួយដើម ដែលមានប្រវែងវែង ជាង ១៥០០ គីឡូម៉ែត្រដុះនៅលើភ្នំមួយនិងចាក់ឫសរហូតដល់ឋានរបស់ខ្មោច
បិសាច អសុរកាយ។ នាទិសឦសាននៃដើមផ្លែប៉ែសនោះ មានអ្នកយាមពីរនាក់
គឺឈ្មោះ Shentu និង Yulei
ដែលនៅចាំការពារច្រកចូលទៅកាន់ឋានខ្មោចព្រាយ បិសាច។ អ្នកយាមទាំងពីរនាក់នោះ
ក៏មានភារកិច្ចចាប់ខ្មោចបិសាច ទៅឲ្យសត្វខ្លា
ចំពោះព្រលឹងខ្មោចណាដែលតាមយាយីមនុស្សលោក។
ហេតុនោះហើយ ព្រលឹងខ្មោច
បិសាចទាំងអស់សុទ្ធតែខ្លាច អ្នកយាមទាំងពីរ។
ចាប់ពីនោះប្រជាជនចិនមានជំនឿតៗគ្នា ដោយឆ្លាក់ឈ្មោះអ្នកយាមទាំងពីរនាក់លើបន្ទះឈើដើមផ្លែប៉ែសចង
ព្យួរនៅមុខផ្ទះក្បែរទ្វារ ព្រោះអាចដេញព្រលឹងខ្មោចចេញឲ្យឆ្ងាយបាន។
រហូតមកដល់ សម័យរាជវង្ស Song ប្រជាជនចិនបានចាប់ផ្ដើមឆ្លាក់សរសេរពាក្យពេចន៍កាព្យចុងជួន
សិរីសួស្ដីជំនួសឲ្យឈ្មោះអ្នកយាមទាំងពីរ។ ចំណេរកាលក្រោយមកទៀតទើបប្រជាជនចិនប្រើក្រដាសក្រហមមានសរសេរ
ពាក្យឃ្លាឃ្លោងកំណាព្យសិរីសួស្ដីជំនួសឲ្យការឆ្លាក់លើបន្ទះរនាប ឈើវិញ
ដោយក្រដាសពណ៌ក្រហមគឺជាតំណាងនៃសុភមង្គល និងសំណាងល្អ។ ចាប់ពីពេលនោះមក
ក្រដាសបិទផ្ទះពេលចូលឆ្នាំថ្មី ជាប់ជាទំនៀមទម្លាប់ស្វាគមន៍ឆ្នាំថ្មី
និងបង្ហាញពីការបួងសួង សេចក្តីសុខចម្រើននាឱកាសពិសេសនោះ៕
Go To : sepetou.blogspot.com for more News
Go To : sepetou.blogspot.com for more News
No comments:
Post a Comment